| Piemontèise d'Argentin-a 2021 |
|
La sodisfassion pì bela a l’é savèj che un travaj fàit ani e ani fa, a continua a dé frut e fior ancora ancheuj. Mersì al “Master in Cultura e patrimonio storico-linguistico del Piemonte per la formazione degli insegnanti”, masentà da Alda Rossebastiano dl’Università ‘d Turin, tnusse dal 2006 a Cordoba e a San Francisco, i l’hai avù la bon-a ventura ‘d conòsse tanti giovo argentin/piemontèis ëd nòm e ‘d cheur e ‘d lenga, che ancheuj a pòrto anans ambelelà n’angage piemontèis ch’a comeuv e an arciama a nòst dover ëd travajé ansema. I l’oma già vaire vire da coste pagine sità ‘d publicassion fàite an Argentina e ancheuj i voroma segnalé ‘l lìber publicà an digital da l’Asociación Civil Mujeres Piemontesas de la República Argentina (AMPRA), dont a l’é Presidenta, n’anleva d’antlora, Ana María Filippa Garbarini: «Conversaciones. Historias de Mujeres Italianas en la Argentina», 57 ‘nterviste a tòte e madamin, ‘d diverse generassion, d’origin piemontèise. Ël lìber as sara con la poesìa ‘d Nino Costa «Rassa Nostran-a», publicà an piemontèis e an castijan mersì a la tradussion dla midema Ana Filippa. Con costa sitassion i voroma mandé ’n salut e n’auguri a tuti j’Argentin che an cost moment a vivo ‘dcò lor un temp motobin maleuros a càusa dla «pest» dël virus cinèis! Coragi amis! d'Albina Malerba - da TurinSet ëd La Stampa dij 10 ëd luj dël 2020 |
|
Indietro |