Studi Piemontesi

Nùmer bel gròss col dl'arvista "Studi Piemontesi" cha l'é surtìa 'n giugn. Ën tute le session (Saggi e studi, Note, Ritratti e ricordi, Documenti e inediti e peuj 'l notissiare bibliografich) na richëssa fosonanta e svarià. A deurve (ma lo diso mach përchè ch'a l'é 'l sentenare dla nassita) 'n mè studi su Primo Levi e la Bibbia, ma peuj Jorge Morales ("Studi Piemontesi" a varda al mond) su Christine de France, Cifani e Monetti sui Duprà (pien Setsent), Gallino su 'n cusiné astigian a la cort dij Savòja e d'àuti ch'i peuss nen dì tuj. Tra le Note a m'ësmijo specialment susnose cole 'd Di Benedetto su na curiosità ch'a riguarda Massimo d'Azeglio, 'd Paolo Bagnoli su la solitudine 'd Filippo Burzio e d'Alda Rossebastiano, Elena Papa, Daniela Cacia su l'onomastica piemontèisa (da Pomo a Melo a Ceresa a Griot e derivà). Për j'arcòrd, ën bel articol su Paola Levi Montalcini, 'n bel ritrat 'd Rosanna Roccia su Paul Guichonnet, amis fransèis, n'adieu a na stòrica risorgimentalista come Daniela Maldini 'd Maria Luisa Betri e n'arcòrd ëd Pene Vidari su Luigi Rossi di Montelera. Për ij document, Paola Caretta, Milena Contini, Lauro Rossi, Corinna Desole e d'àuti su Orsola Maddalena Caccia, Botta, Cavour. Pì - gnanca a di-lo - le notissie sempe galupe, pien-e 'd sust. ëd Giovanni Tesio - da TurinSet ëd La Stampa dj'11 d'otóber dël 2019

Indietro