Fondassion dla Ca dë Studi

Ancheuj 11 ëd giugn del 1969 a 9 ore 'd sèira a son riunisse an ca 'd Monsù Gandolfo an via Donati 27 a Turin/ij sotsignà Gandolfo professor Lorenzo che a agiss a sò nòm e për delegassion ëd Bono ingegner Gaudenzio, Gribaudi professor Dino, Fulcheri ingegner Giuseppe; /Clivio professor Gianrenzo, Clivio professor Amedeo, Brero Camillo anche për delegassion 'd Nicola ragionier Alfredo e 'd Mottura Armando; Pich dotor Vincenzo, Buratti dotor Gustavo, Calleri Jaco/…/ an arciamandse a la bon-a tradission piemontèisa con cheur sincer e franca volontà…/a costituisso la Ca dë Studi Piemontèis-Centro Studi Piemontesi e da galantòm as sotsigno…". A son passaje 50 ani da cola sèira 'd giugn e la Ca dë Studi Piemontèis a festegia cost aniversari con diverse inissiative spantià ant ël cors dël 2019. Ma l'inissiativa pì amportanta a l'é stàita la sistemassion dl'Archivi istitussional inaugurà 'l 15 d'avril passà. Tra j'àutri randevó i segnaloma 'l Consert d'istà, ch'as tnirà 'l 5 ëd luj ch'a-i ven, a 9 ore 'd sèira al Conservatori Giuseppe Verdi 'd Turin: "Da le rèis për l'avní", mùsiche tradissionaj dël Piemont e composission contemporanee, con Ensemble Pianà d'Enzo Vacca, Amemanera e l'orchestra Futuro Musica direta dal Maestro Aldo Sardo. Marcheve la data! d'Albina Malerba - da TurinSet ëd La Stampa dij 7 ëd giugn dël 2019

Indietro