Stòria dla Juve an piemontèis

Vittoria Minetti e Flavio Pieranni l'ani passà a l'han publicà an piemontèis la stòria dla tragedia dël Grand Turin: "Mach ël destin a l'ha poduje fërmé. La storia del Grande Torino in lingua piemontese" (Bradipolibri sito internet www.bradipolibri.it, pp. 126, ill., 2018, 13 euro). Për l'istess editor a l'é pen-a surtìe adess, sempe 'd Vittoria Minetti, ansema a diversi àutri autor, "A-i é gnun ëd pì che noi! Storia della Juve in lingua piemontese", con testo italiano a fronte (pagine 172, 13 euro). La stòria dla Juventus, la Madama, la Morosa d'Italia a l'é stàita contà an milanta lìber, arviste, ma mai an piemontèis. "La stòria dla Juve, ant ës lìber sì - a scriv l'editor - a l'é contà da un grup ëd gasetié e scritor, Juventin ch'a rivo da pì part d'Italia" (tra costi am fa piasì sité Luca Rolandi, Mario Parodi, Nico Ivaldi) e peui Vitòria Minèt a l'ha passalo an piemontèis. L'Achit (ch'a sarìa la prefassion) a pòrta la firma 'd Roberto Beccantini, . A ancamin-a parèj: "A-i era na vòlta na combricola d'amis... liceàj, ch'a andasìo a scòla al Massimo d'Azeglio…" (Alessandro Bassi), e a finiss con CR sètblësse 'd Salvatore Lo Presti. d'Albina Malerba - da TurinSet ëd La Stampa dij 18 ëd gené dël 2019

Indietro