III Laboratòri 'd Piemontèis

Apress la bon-a esperiensa dj'edission 2015/2016, e 2016/2017, masentà an manera fiamenga da Nicola Duberti, a s'anandio da giòbia 26 d'avril a Palass Neuv, sede dle Facoltà Umanistiche dl'Univeristà 'd Turin, le lession dël ters "Laboratorio di piemontese", vorsù da la Ca dë Studi Piemontèis mersì a un finansiament privà dedicà. A l'é për jë student dla laurea magistral an "Scienze Linguistiche del Dipartimento di Studi Umanistici", ma a peulo scrivse 'dcò student d'àutri cors ëd laurea. St'ani 'l Laboratòri a l'é afidà a Emanuele Miola, ch'a l'é stàit assegnista d'arserca a Milano-Bicocca e peui docent a contrat a l'Università 'd Turin. A l'ha scrivù, tra l'autr, na gramatica dël kyé ëd Rocafòrt ëd Mondvì, "Innovazione e conservazione in un dialetto di crocevia"; l'ebook, "L'italiano dei nativi digitali", surtì për Il Corriere della Sera-RCS. A colabora a diverse riviste; për "Studi Piemontesi" a l'ha publicà lë studi: "Per una grammatica del piemontese di oggi: gli aggettivi dimostrativi". As blaga d'esse 'dcò n'enigmista. Vardé 'l programa dël Labòratori sla pagina web:http://linguistica.campusnet.unito.it/do/corsi.pl/Show?_id=ajx7 d'Albina Malerba - da TORINOsette dLa Stampa dij 20 d'avril dël 2018

Indietro