Armanach 2018

Ij di as na scapo via sempe pì lest. Ier is poponavo l'idea 'd n'istà d'arlass …e ancheuj l'istà a l'é giumaj n'arcòrd lontan e slanghì. Che a venta sùbit desse n'ande an lo arcòrdo ij calendari dl'ani ch'a dev vnì, che sempe prima a rivo sle nòste scrivanìe. A smija che 'l 2018 a sìa lontan lontan, e anvece subit i arsèivo l' "Armanch piemontèis" ëd Sergio Donna, dl'Associassion Monginevro Cultura, e "La memòria dël temp", calendari piemontèis dl'Editrice Il Punto Piemonte in Bancarella, e 'l 2018 a smija lì virà 'l canton. L' "Arnanach piemontèis 2018" soagnà da un bordel ëd bele bigieuje a color a l'é dedicà ai "Torèt, le fontanin-e vërde 'd Turin". E a l'é dabon na gòj dël cheur e dj'euj viré ij mèis con le 40 fòto 'd Torèt…Ma peui a-i son tante àutre ròbe, oltre al caledari tradissional, articoj, canson..tut ispirà al nòst bel torèt. La "Memòria dël temp 2018" (surtì a magg 2017!) a në smon sempe na bela mëssonà 'd fòto d'antan, presentà da Bruno Gambarotta, test an piemontèis e an italian, proverbe, manere 'd dì e via fòrt. Ëd se doi calendari, dabon galup, i na parleroma ancora e dabin…quand che i saroma pì an broa dël temp dj'armanch. d'Albina Malerba - da TORINOsette dLa Stampa dij 8 dë stèmber dël 2017

Indietro