Madame, Duchësse e Regin-e a la Cort dij Savòja

L’istà a l’era ‘ncor slanghìa ant nòste contrà che, come tradission, a l’é rivaje Sergio Donna, dl’Associassion Monginevro Cultura, con sò bel «Armanach piemontèis 2017»! Che peui ciamelo mach armanach a-j fa tòrt e a diss nen tut. L’edission 2017 a l’é franch un bisó për coma as së smon ant la grafica: sempe con ij Sant patron ëd le sità e dij pais dël Piemont, con 365 proverbi an piemontèis sernù da Sergio Donna e Giuseppe Novajra, a l’é dedicà a «Madame, Duchësse e Regin-e a la Cort dij Savòja». Con 50 fòto ‘d protagonsita ‘d Ca Savòja, da j’Archivi Giovanni Remonda, Assocciazione Nazionale Sanità Militare Italiana, Associazione Monginevro Cultura e d’àutri colessionista privà; 7 articoj, an piemontèis e an italian, sël tema (‘d Sergio Donna, Raffaello Emandi, Achille Maria Giachino, Anna Perrini, Giovanni Remonda) e ‘l test e lë spartì dla canson «La Bela Rosin», mùsica ‘d Beppe Novajra, paròle ‘d Sergio Donna. L’armanach a l’é «self-publishing» (ch’a sarìa coma dì, publicà da spërlor) Ël Torèt/ Monginevro Cultura. Ciamé còpie e anformassion a: ufficiostampa@monginevroc.netultura. Un armanach nen mach da pende an cusin-a, ma da lese e peui goerné an biblioteca. d'Albina Malerba - da TORINOsette dLa Stampa dij 14 d'otóber dël 2016

Indietro