Laboratòri 'd piemontèis a l'Università

A s’anandio màrtes 26 d’avril a Palass Neuv, sede dle Facoltà Umanistiche dl’Univeristà ‘d Turin, le lession dël «Laboratorio di piemontese» (Seminario F Studium, a pian tèra): vorsù da la Ca dë Studi Piemontèis mersì a un finansiament privà dedicà. A l’é për jë student dla laurea magistral in Scienze Linguistiche del Dipartimento di Studi Umanistici, ma a peulo scrivse ‘dcò student d’àutri cors ëd laurea. Ël «laboratòri» a sarà tnù da Nicola Duberti, bin conossù sia ant ël camp djë studi filològich e dialetològich, sia come poeta an piemontèis, ch’a fa arferiment a la «scòla» poetica monregalèisa. A spiega Duberti: «Il laboratorio intende fornire ai ragazzi alcune conoscenze di base sulle strutture del piemontese contemporaneo, usando come riferimento la koinè a base torinese […]. Al termine del laboratorio, i partecipanti dovrebbero aver acquisito la capacità di individuare e comprendere alcuni fenomeni esplicativi, a livello fonologico, morfologico e sintattico, di una o più varietà di piemontese: […]». Dacant a sòn «verranno presentati numerosi esempi di produzione letteraria…». Un laboratòri bin soagnà, che ant j’intension dij promotor a veul esse un prim pass vers cola catedra ‘d lenga e ‘d literatura piemontèisa ant ij but dla Ca dë Studi Piemontèis fin da la fondassion (info: http://linguistica.campusnet.unito.it/do/corsi.pl/Show?_id=ajx7; opura a basta serché «laboratorio di piemontese unito»). d'Albina Malerba - da TORINOsette dLa Stampa dij 22 d'avril dël 2016

Indietro