Nino Costa

Ant l’ani 2015 vàire manifestassion a l’han ricordà jë 70 ani da la mòrt ëd Nino Costa, ‘l nòst pì grand poeta dël Neuvesent, cità pì vòte da Papa Francesco, ch’as lo sent davsin al cheur an memòria dij Cè piemontèis ëd soa famija. A l’é un piasì vëdde che ij nòsti poeta a së studio e as leso nen mach për j’aniversari, e a l’é un bel cadò original ël lìber e cd pen-a realisà da Ël Torèt/Monginevro Cultura ansema a Pentagramma/Edizioni Musicali e Discografiche: «Rassa nostran-a.18 poesie di Nino Costa», musicà da doj grand musicista piemontèis Bruno Baudissone e Raf Cristiano. Ël lìber con ij test dle 18 poesìe, da Nìvole a Mare Granda, al Lobiòt, da la Madòna dij soldà a le poesìe ‘d Natal al Nòm dël mè pais, a l’ é soagnà da Sergio Donna, anima e regista dl’Associassion Monginevro Cultura (tel. 011/0437207; info@monginevrocultura.net), angagià da tanti ani për la lenga e la literatura piemontèisa con tante inissiative editoriaj, premi, manifestassion e via cantand. «Ascoltare i versi – a scriv Sergio Donna, ch’a firma ‘dcò la prefassion e un profil dël poeta – sulle note delle diciotto romanze …è una occasione preziosa per riscoprire tutta la freschezza, la musicalità e l’universalità della poesia di Nino Costa». An overtura dël lìber le paròle ‘d Celestina Costa (la fija ‘d Nino) datà Turin 1983, a l’han arciamane a la memòria un bel temp d’antan. d'Albina Malerba - da TORINOsette dLa Stampa dij 25 ëd mars dël 2016

Indietro