Agenda dël Piemont 2015

«Nen mach n’agenda!». Parèj a recita ‘l tilèt (la fassëtta) dl’ «Agenda dël Piemont 2015», rivà an costi di frësca dë stampa, publicà da l’Associassion Coltural «Luigi A. Olivero», sla carsà dij sinch ani passà; info: AssOlivero, via Gentileschi 1, La Vila (Villastellone, pais dël grand poeta dël nòst Neuvsent piemontèis) assolivero@libero.it (Roberto Chiaramonte Editore). E an efet a l’é n’agenda, che un a peul dovré di për di, ma con andrinta un bordel ëd ròbe ‘nteressante da lese e sfojé. Tuti ij Sant dël Piemont, conte, poesìe, drolarìe, arsete ‘d cusin-a, stòria e origin dla Bagna càuda, cola dla tradission, cola «eretica» e la bagna fàussa; ij pess ëd còj, ‘l cunij al sivé, la fasolà e via fòrt. Un salut a Gipo con ij test dle canson e fòto stòriche ‘d Farassin, për manten-e viva la memòria e le «paròle» dël nòst grand poeta-chansonnier. Notissie e curiosità su «tipo» piemontèis, coma Maria Bricca, Baron Litron, Colombiano Romean, Cristoforo Colombo Monfrin, ecc. Anvension e anventor piemontèis coma ‘l Lettore Mp3, la cafetiera mòka, la Lavazza, ecc. E për chi a veul savèj chijcòs dla nòstra lenga, vàire nòte sla «lingua non ufficiale più parlata in Europa». Da n’ideja ‘d Massimiliano Pampaloni a l’han soagà l’agenda 2015: Gioventura Piemontèisa, Gianalberto Miglio, Giovanni Delfino, Diego Lucco, Manuela Paladini, Giòrs E. Caval. Dodès mèis, tërzènt e sinquanta di declinà për ël Piemont an piemontèis. d'Albina Malerba - da TORINOsette ëd La Stampa dij 31 d'otóber dël 2014

Indietro