Lectiones Renzo Gandolfo

Për parlé, aprofondì, ciaciaré an piemontèis ëd ròba nòstra, la Ca dë Studi Piemontèis a organisa ‘dcò st’ani na serie d’ancontr antitolà al professor che 45 ani fa, ansema a d’àutri amis, a l’ha fondà la Ca dë Studi: “Lectiones Renzo Gandolfo. Cultura e civiltà del Piemonte. Parole del territorio. Poeti, scrittori, linguaggi”. A son ancaminà con Marco Piccat ch’a l’ha presentà un volum ëd Giuliano Gasca Queirazza (n’arcòrd e n’ omagi al grand filòlogo mancà dël 2009), soagnà da chiel midem e da Laura Ramello, “Il Canzoniere Provenzale To e altri saggi filologici (1962-2009)”. E as va anas: giòbia 17 d’avril, Giovanni Tesio e Remigio Bertolino a discuto con l’autor Nicola Duberti su le poesìe dai lìber “J’òmbre ‘nt le gòmbe” e “Taj Curt. Haiku”; giòbia 15 ëd magg, Claudio Bermond a presenta ‘l lìber d’Adriano Tillino “Sogni e fatiche del Cit”; ‘l 22 ëd magg as parlerà djë “Stranòt” ëd Cher, con Gianfranco Gribaudo, Giovanni Ronco,Valerio Maggio e Cesare Matta, ch’a l’han soagnà la racòlta dë stranòt dal dòp la guèra al di d’ancheuj. Le Lectiones as ten-o ant la sede dla Ca dë Studi Piemontèis an via Revel 15 a Turin, a 6 ore dël dòp disné. Marcheve le date. Programa e anformassion: tel. 011/537486; mailto:info@studipiemontesi.it; http://www.studipiemontesi.it . d'Albina Malerba - da TORINOsette ëd La Stampa dij 28 ëd msrs dël 2014

Indietro