| Lectiones Renzo Gandolfo |
|
La Ca dë Studi Piemontèis, che a l'ha n'atività 'ntërdisciplinar, pen-a finì le conferense dij "Colloqui del Lunedì", a organisa, sempe an soa sede 'd via Revel 15 a Turin, le "Lectiones Renzo Gandolfo", dedicà a "Cultura e civiltà del Piemonte", tuti ij màrtes a 6 ore dël dòp disné, fin-a a luj. Ant le sman-e passà s'é già parlasse 'd "Case di poeti" con Anna De Simone; 'd "La grafia della Lingua piemontese nei secoli", con Sergio Gilardino, Antonino Ruffino e Giovanna Viglongo; dël poeta e scultor lissandrin Giovanni Rapetti, con Giorgio Bàrbari Squarotti e Franco Castelli. J'ùltime tre "Lectiones" as tniran ël 18 'd giugn, për la presentassion l'edission critica dle "Canzoni Piemontesi d'Ignazio Isler", soagnà da Dario Pasero (a na parleran con chiel Francesco Rubat Borel e Giuseppe Goria); 'l 25 ëd giugn con Giovanni Tesio ch'a dialoga con ij poeta piemontèis Elisa Revelli Tomatis e Remigio Bertolino; e 'l 2 ëd luj, con Giancarlo Libert ch'a parla 'd sò lìber "Astigiani nella Pampa", ch'a pùblica la biografìa 'd Papa Francesco (antlora Cardinal Bergoglio), che, coma tuti adess a san, a ven da na famija ch'a fonga soe radis a Portacomà. Le "lectiones" a arpijran a stèmber (anformassion: info@studipiemontesi.it; www.studipiemontesi.it).
d'Albina Malerba - da TORINOsette 'd La Stampa dij 14 ëd giugn dël 2013 |
|
Indietro |