Agenda Assolivero 2013

Come as dis talk show an piemontèis?, na «partìa a ciance»; e brainstorming? (bonorà chi a sa còs a veul dì an italian), «pista sicòira»; camper?, «ciabotin con le roe». A son mach chijdun-e dle curiosità ch'as peulo trovesse ant l'«Agenda del Piemonte 2013», pen-a sciodùa da l'Associassion «AssOlivero», da n'ideja 'd Massimiliano Pampaloni, con la colaborassion ëd Gioventura Piemontèisa (assolivero@libero.it; www.assolivero.it), 'd Gianalberto Miglio për ij gieu, Giovanni Delfino për ij tòch ëd e su Luigi Olivero; Claudio Broglio për ij dissegn, e Diego Lucco, vicesindich dla Vila(Villastellone sede dl'AssOlivero). N'agenda coma tute j'àutre, ma con ij di e ij sant an peimontèis, e di për di poesìe, pròse, stòrie, cusin-a, paròle crosià, ch'an compagno tut l'an an lenga piemontèisa. A varda con fiusa al 2013, ampipandse dij Maya, 'dcò «La memòria dël temp», calendari piemontèis, soagnà come da tradission da l'Editrice Il Punto/Piemonte in Bancarella, e già da un pòch an sircolassion, con soe bele fòto d'antan, e test an italian e an piemontèis ëd Bruno Gambarotta, Camillo Brero, Michele Bonavero, Claudio Santacroce, Beppe Lachello, Massimo Montà, Walter Ferreri (info@editriceilpunto.it). d'Albina Malerba - da TORINOsette ëd La Stampa dij 2 ëd novèmber dël 2012

Indietro