Il detto del Re e della Regina

Parland dla stòria dla leteratura an piemontèis giomai tuti a san che ij document pi antich a son ij «Sermoni subalpini» dël sécol XII, ch'a son stàit oget dë studi sientìfich e d'anteresse antërnassional. D'un sécol dòp, a peu pré, tra ‘l XIII e j'inissi dël sécol XIV, i l'oma un poemèt «Il detto dël Re e della Regina» e ij «Proverbi di frate Columba da Vinchio», conservà ant un codes dla Biblioteca dël Capitolo della Cattedrale di Novara. Con cost test dla lenga piemontèis dle «origini» a son cimentasse tanti studios, ma a l'ha sempe conservà na soa aura 'd misteri. La prima descrission dël test a l'è stàita fàita ant una edission 'd Paris dël 1928 da Ezio Levi; Pinin Pacòt e Renzo Gandolfo, che con Camillo Brero a l'ha soagnà la «Lettarura in piemontese dalle origini al Risorgimento» (1967), a diso che «E' un frammento di difficile lettura e di oscura interpretazione»; e ciarì i «misteri che ancora avvolgono il Detto dël Re e della Regina...darà forse un nuovo aspetto alla storia letteraria di quel secolo oscuro». Giovanni Tesio (con Giorgio dë Alessi) ant n'antologìa dël 1987 a gionta n'ipotesi che Gianrenzo Clivio a giudica «ingegnosa»: «Forse - a scrivo - questo oscuro componimento potrebbe ricevere qualche luce qualora si accettasse l'ipotesi di riferirlo ad uno degli aspetti fondamentali della cultura dël Medioevo: l'alchimia». Un pass anans a l'ha peui falo Giuliano Gasca Queirazza ant la «Raccolta antologica dei testi dalle Origini al Settecento» (2003). Ma ‘l misteri a resistìa. A buté, miraco, la paròla definitiva e a dene la ciav ëd letura ch'a rësponda a tuti j'interogativ che fin-a adess a son stàit duvèrt, a l'è un travaj dël professor Marco Piccat, publicà a Palermo dël 2010 dal Centro di Studi Filologici e Linguistici Siciliani, ant j'At dël Convegno dl'Associazione për la storia della lingua italiana (2009), sël tema dla Storia dla lenga italiana e 'dcò dla soa dialettologia (pp.615-634), ch'a merita un gròss bati man. Lë studi pontù e pontual ëd Piccat a l'è nen possìbil riassume, a và lesù tut: « È evidente - a scriv Piccat dòp avèj dàit l'intera e neuva trascrission dël Detto e dij proverbi - che ci troviamo all'interno di un testo dël genere dël 'contrasto'... il gioco sole-luna...In questo caso, non si tratta di 'detti' o 'proverb' (ël tìtol a l'era stàit butà dal Levi), ma di aforismi che vengono a costituire il testo di un oroscopo basato sulla lettura delle dodici case astrologiche». E parèj Piccat, da «filologo» soasì e antivist, a svela l'arcano stërmà da sécoj! d'Albina Malerba - da TORINOsette ëd La Stampa dij 4 ëd fërvé dël 2011

Indietro